AABNEWS

AABNEWS covers Today’s Latest Online Telugu News, Andhra Pradesh (AP), Telangana, Political, Crime, Movies, Sports, National News and Google Web News.

చైనా నుంచి మరో ముప్పు…

1 min read

AABNEWS : చైనా నుంచి ఇప్పటికే వ్యాప్తి చెందిన కరోనా వైరస్‌తో వణికిపోతుండగా.. ఆ దేశం నుంచి మరో వైరస్ వ్యాపించే ప్రమాదం ఉందని పరిశోధకులు గుర్తించారు. చైనాలో విస్తరిస్తున్న క్యాట్ క్యు వైరస్ భారత్‌లోనూ వ్యాపించే ప్రమాదం ఉందని హెచ్చరిస్తున్నారు. పుణేలోని నేషనల్ ఇనిస్టిట్యూట్ ఆఫ్ వైరాలజీ భారత వైద్య పరిశోధన మండలి శాస్త్రవేత్తల సంయుక్త పరిశోధనలో భారత్‌కు చెందిన ఇద్దరు వ్యక్తుల్లో ఈ వైరస్‌కు సంబంధించిన యాంటీబాడీలను గుర్తించారు. 883 మంది నమూనాలను పరిశీలించగా.. ఇద్దరు వ్యక్తుల్లో యాంటీబాడీలు గుర్తించినట్లు పరిశోధకులు వెల్లడించారు. వైరస్ మనిషిపై దాడి చేసినప్పుడు శరీరంలోని రోగ నిరోధక వ్యవస్థ యాంటీబాడీలను (ప్రతినిరోధకాలు) ఉత్పత్తి చేస్తుంది. అంటే.. ఈ వైరస్‌కు యాంటీబాడీలు ఉన్న వ్యక్తులిద్దరూ ఇప్పటికే ఈ వైరస్ బారినపడ్డారని అర్థం. కానీ, వీరిలో వైరస్ లక్షణాలు లేనట్లు తెలిపారు.

క్యాట్ క్యూ వైరస్ (CQV) లక్షణాలు:
✧ తీవ్రమైన జ్వరం
✧ మెనింజైటిస్
✧ చిన్న పిల్లలలో మెదడు వాపు
✧ పరిస్థితి విషమిస్తే ప్రాణాలు కోల్పోయే ప్రమాదం

చైనాతో పాటు, వియత్నాంలో అనేక మందికి Cat Que Virus సోకినట్లు పరిశోధకులు తెలిపారు. క్యూలెక్స్ జాతి దోమలు, పందులను ఈ వైరస్ వాహకాలుగా మార్చుకుంటుందని.. వాటి ద్వారా ఈ వైరస్ వ్యాప్తి చెందుతుందని వెల్లడించారు. ఐసీఎంఆర్ అధ్యయనం ప్రకారం.. ఆర్థ్రోపోడ్-బోర్న్ వైరస్‌లలో ఈ వైరస్ ఒకటని తేలింది. సీక్యూట్‌గా పేర్కొనే క్యాట్ క్యూ వైరస్ మానవులలో తీవ్రమైన జ్వరం, మెనింజైటిస్, చిన్న పిల్లలలో మెదడు వాపు లాంటి వ్యాధులకు కారణం అవుతుంది. పరిస్థితి విషమిస్తే ప్రాణాలు కోల్పోయే ప్రమాదం కూడా ఉంది. క్యూలెక్స్ జాతికి చెందిన దోమల ఉనికి భారత్‌లో ఎక్కువగా ఉంది. వీటి ద్వారా ఈ వైరస్ ప్రజలకు సోకే ప్రమాదం ఉంది.

క్యాట్ క్యూ వైరస్ వాహకాలు:
1) పందులు, 2) క్యూలెక్స్ జాతి దోమలు

ఇప్పటికే కొంత మంది ఈ వ్యాధికి గురై ఉంటారని శాస్త్రవేత్తలు భావిస్తున్నారు. మరి కొంత మంది నమూనాలను కూడా పరీక్షించాల్సిన అవసరం ఉందని చెప్పారు. ప్రజలు అప్రమత్తంగా ఉండాలని సూచించారు.

 298 Total Views,  2 Views Today

Leave a Reply

Your email address will not be published. Required fields are marked *

Copyright © All rights reserved AAB News. | Designed & Developed by AAB News.