September 26, 2021

AABNEWS

AABNEWS covers Today’s Latest Online Telugu News, Andhra Pradesh (AP), Telangana, Political, Crime, Movies, Sports, National News and Google Web News.

స్టార్ డైరెక్టర్ కు అదితి అగర్వాల్ షాక్…

1 min read

AAB NEWS : నువ్వు నాకు నచ్చావ్’ చిత్రంతో టాలీవుడ్ కు పరిచయమైన హీరోయిన్ ఆర్తి అగర్వాల్ అతి తక్కువ టైంలోనే స్టార్ హీరోయిన్ గా ఎదిగింది. చిరంజీవి, ఎన్టీఆర్, మహేష్ బాబు వంటి స్టార్ హీరోలతో పాటు ఉదయ్ కిరణ్, తరుణ్ వంటి యంగ్ హీరోల సినిమాల్లో కూడా నటించి తిరుగులేని స్టార్ డం ను సంపాదించుకుంది. తరువాత ఆర్తి అగర్వాల్ రిఫరెన్స్ తో.. ఆమె చెల్లి కూడా హీరోయిన్ గా ఎంట్రీ ఇచ్చిన సంగతి తెలిసిందే. కె.రాఘవేంద్ర రావు డైరెక్షన్లో అల్లు అర్జున్ హీరోగా పరిచయమైన ‘గంగోత్రి’ చిత్రం ద్వారా హీరోయిన్ గా పరిచయమైంది అదితి అగర్వాల్. ఆ చిత్రంలో తన గ్లామర్ తో ప్రేక్షకులను బాగా ఆకట్టుకుంది.

దాంతో ‘తన అక్కలానే అదితి కూడా స్టార్ హీరోయిన్ అయిపోవడం ఖాయమని’ అంతా అనుకున్నారు. కానీ సరిగ్గా కెరీర్ ను ప్లాన్ చేసుకోకపోవడం వలనో ఏమో కానీ.. ఈమె ఎక్కువ కాలం ఇండస్ట్రీలో నిలబడలేకపోయింది. ఇదిలా ఉండగా.. అదితి కెరీర్ ప్రారంభంలో కృష్ణవంశీ వంటి స్టార్ డైరెక్టర్ కే నో చెప్పిందట. అసలు విషయం ఏమిటంటే.. నితిన్, ఛార్మీ హీరో హీరోయిన్లుగా కృష్ణవంశీ డైరెక్షన్లో తెరకెక్కిన ‘శ్రీ ఆంజనేయం’ చిత్రంలో హీరోయిన్ గా మొదట అదితి అగర్వాల్ ను సంప్రదించాడట కృష్ణవంశీ. అందుకు అదితి కూడా ఓకే చెప్పేసింది. అయితే సెట్స్ పైకి వెళ్లిన తరువాత.. ‘ఈ సినిమాలో గ్లామర్ సన్నివేశాలు శృతిమించి ఉన్నాయని చెప్పి’ ఆమె తప్పుకుందట. తరువాత యూనిట్ సభ్యులు కాల్ చేసి ఆమెను సంప్రదించినా .. ‘పెద్ద డైరెక్టర్ కాబట్టి మీ కెరీర్ కు ప్లస్ అవుతుంది అని కన్విన్స్ చేసే ప్రయత్నం చేసినా’ అదితి ఒప్పుకోలేదట. ఇక సినిమా విడుదలయ్యాక రిజల్ట్ తెలుసుకుని.. ‘రిజెక్ట్ చేసి మంచి పనే చేశాను’ అని ఫీలైనట్టు కూడా అదితి తెలిపిందట.

 184 Total Views,  4 Views Today

Leave a Reply

Your email address will not be published. Required fields are marked *

Copyright © All rights reserved AAB News. | Designed & Developed by AAB News.